Paşinyan əks-hücuma keçdi: Bizə də bu lazımdır

Paşinyan seçki tezisi ilə müxalifəti çətin vəziyyətə sürükləyib. Müharibədə məğlub olan Paşinyan bir müddət müxalifətin təzyiqi ilə üzləşdi, indi isə əks-hücuma keçib. Müxalifət seçki istəmir. Səbəbi sadədir. Müxalifət seçki nəticəsində hökuməti formalaşdırmaq üçün kifayət qədər səs toplamayacağını proqnozlaşdırır. Ona görə də Paşinyan müxalifətin zəif damarından basır.

Sosialxəbər.az xəbər verir ki, bu sözləri politoloq Elxan Şahinoğlu Nikol Paşinyanın ötən gün parlamentdəki çıxışına münasibətində bildirib.

Ekspert qeyd edib ki, Paşinyan Qarabağ mövzusunda Minsk Qrupu çərçivəsində status danışıqlarına başlanılmasının da tərəfdarı olduğunu dedi:

“Paşinyan Rusiyanın xarici işlər naziri Sergey Lavrovun da onun kimi düşündüyünü vurğuladı.

Daha sonra, Paşinyan yenidən əsirlər mövzusunda toxunaraq, bu mövzunun daima gündəmdə olmasının Ermənistanın maraqlarına zidd olduğunu söylədi. Yəni Paşinyan demək istədi ki, əsirləri qaytarmağa çalışsa da, bu, alınmır və bu mövzunun daim müzakirə olunması Ermənistana əlavə problemlər yaradır. Başqa sözlə, Paşinyan ona işarə etdi ki, əsirlər mövzusu erməni cəmiyyətini parçalayır”.

Politoloq Paşinyanın Qarabağda rusiyalı sülhməramlılarının varlığını müsbət qiymətləndirməsinə də diqqət çəkib:

“Beləliklə, zaman geçdikcə Paşinyan erməni ictimaiyyəti qarşısında məğlub sindromundan qurtulmağa və fəallığını artırmağa çalışır. Paşinyan parlamentdə müxalifətin istənilən sualını cavablandıra biləcəyini göstərməyə çalışır. Əslində isə Paşinyan faktiki məğlubiyyəti erməni cəmiyyətinə həzm etdirməklə məşğuldur. Bizə də elə bu lazımdır”.

Avatar

Səbinə Kərimova

Read Previous

Azərbaycan Ordusu Qarsda: İrəvan narahatdır?

Read Next

Ceyhun Bayramov Türkmənistana getdi

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir