Umayra Tağıyevadan qar açıqlaması

Ölkə ərazisindən Aralıq dənizi siklonunun keçməsi nəticəsində soyuq yağıntılı qarlı hava hökm sürür. Yağan qar hətta aran rayonlarında qar örtüyünün əmələ gəlməsinə səbəb olub.

Sosialxəbər.az  xəbər verir ki, bunu Report-a açıqlamasında Milli Hidrometeorologiya Xidmətinin rəisi Umayra Tağıyeva deyib.

Onun sözlərinə görə, Salyanda 6 sm, Neftçala 1 sm qar örtüyü yaranıb:

“Ən çox qar örtüyü Şarıbaşda (Qax) 45 sm, Ağdərədə (Ordubad) 27 sm, Şamaxıda 25 sm, Daşkəsəndə 22 sm, Şərurda 20 sm, Kişçay (Şəki), Gədəbəy, Qusarda 18 sm, Qəbələ, Şəki, Altıağacda 17 sm, Lerikdə 14 sm olub. Göygöldə, Kəlvəz, Şahbuzda, Quba, Qrızda, Yardımlıda, Naxçıvan, Sədərək, Mərəzədə, Xaçmazda, Xaltanda, Şahdağda, Oğuzda, Astarada 1 sm-dən 13 sm-dək qar yağıb”.

Xidmət rəisi qeyd edib ki, bəzi rayonlarda və Bakıda bir sutka ərzində düşən yağıntının miqdarı yarım aylıq normaya bərabər olub.

U.Tağıyeva bildirib ki, havanın temperaturu iqlim normasından 2 dərəcə aşağı enib, havanın minimal temperaturu Bakıda və Abşeron yarımadasında 0-yə yaxın, aran rayonlarında 0-2 dərəcə şaxta, dağlıq rayonlarda 11 -14 dərəcə, yüsək dağlıq ərazilərdə 20 dərəcəyədək, Naxçıvan MR-da 11 dərəcə şaxta olub.

O əlavə edib ki, Bakıya ilk dəfə bugünkü kimi qar 2019-cu ilin yanvar ayında yağıb, lakin 2002-ci ilin dekabr ayı daha soyuq və qarlı olub.

Avatar

Səbinə Kərimova

Read Previous

Şabranda karantini pozan kafe sahibi cərimələndi

Read Next

Kapital Bank 2020-ci ilin nəticələrini elan edib

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir