Vətən müharibəsi Peru televiziyasında

Perunun “TV Peru” dövlət televiziyasında Qarabağdakı Vətən müharibəsinin yekunları ilə bağlı reportaj efirə verilib.

Sosialxəbər.az bildirir ki, Azərbaycanın Meksikadakı Səfirliyindən Axar.az-a bildirilib ki, verilişdə hərbi əməliyyatlar nəticəsində Azərbaycanın İkinci Qarabağ müharibəsində 1994-cü ildən bəri Ermənistanın işğal altında saxladığı ərazilərini azad etdiyi və tərəflər arasında imzalanmış 10 noyabr bəyanatının tələblərinə əsasən, darmadağın edilmiş düşmən ordusunun işğalda saxladığı digər ərazilərimizi tərk etdiyi haqda məlumat verilib.

Telekanalın respublikamızın Perudakı səfiri Məmməd Talıbovla hazırlanan müsahibəsinə də istinad edildiyi reportajda azad olunmuş şəhərlərimizin Ermənistan tərəfindən tamamilə dağıdıldığı və bu ərazilərdə illər öncə etnik təmizləməyə məruz qalmış 1 milyona yaxın azərbaycanlı məcburi köçkünün yenidən öz doğma yurdlarına qayıtmaları üçün hazırda Azərbaycan tərəfindən zəruri infrastrukturun bərpa edilməkdə olduğu bildirilib.

Səfir müsahibəsində aparıcının sualına cavab olaraq müharibə zamanı əsir düşmüş hərbçilərin qarşılıqlı olaraq dəyişdirildiyini, hazırda Azərbaycan tərəfindən saxlanılan qeyri-qanuni erməni silahlılarının isə atəşkəs bəyanatı imzalandıqdan sonra həbs edildiyini, bu şəxslərin qisasçı qüvvələrə xidmət edən diversantlar olduğunu və Azərbaycan ərazisində terror aktları törətməyə cəhd etdiklərini vurğulayıb.

Aparıcı verilişdə həmçinin 20 Yanvar faciəsi və Azərbaycanın 1991-ci ildə xalqımızın əzmkar iradəsi sayəsində müstəqillik əldə etməsi haqda məlumat verib.

Avatar

Səbinə Kərimova

Read Previous

Ermənilər təslim olmayıb, hücuma keçir – Korotçenko

Read Next

Neft bahalaşdı

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir