Pərviz Şahbazov TAP-ın icraçı direktoru ilə görüşdü

Energetika naziri Pərviz Şahbazov Transadriatik Qaz Boru Kəmərinin operatoru olan TAP AG şirkətinin icraçı direktoru Luca Schieppati ilə videokonfrans formatında görüş keçirib.

Sosialxəbər.az bildirir ki, Energetika Nazirliyindən Axar.az-a verilən məlumata görə, görüşdə TAP layihəsi üzrə işlərin planlaşdırılan vaxtda yekunlaşması yüksək qiymətləndirilib və kəmərin kommersiya fəaliyyətinə başlamasının Cənub Qaz Dəhlizinin tam istismara verilməsində mühüm addım olduğu bildirilib. Qeyd edilib ki, TAP ölkəmizi Avropa ilə uzun müddətə birləşdirən daha bir enerji bağlantısı olaraq enerji təhlükəsizliyi, əməkdaşlıq və davamlı inkişafda Azərbaycanın strateji tərəfdaş rolunu daha da gücləndirir.

Layihənin, həmçinin Avropa üçün strateji və iqtisadi əhəmiyyət daşıdığı, yeni təbii qaz mənbəyinə etibarlı çıxışı təmin etdiyi, enerji təhlükəsizliyinin möhkəmlənməsində, təchizatın diversifikasiyasında, həmçinin karbon emissiyasının azaldılmasında mühüm rol oynadığı vurğulanıb.

Daha sonra TAP layihəsinin genişləndirilməsi – kəmərin ümumi gücünün 20 milyard kubmetrədək artırılması, təbii qaz tədarükçülərinin maraqlarını ifadə etməyə imkan verəcək bazar sınaqlarının aparılması, iqlim dəyişikliyi ilə mübarizə, ətraf mühitin qorunması ilə bağlı “Yaşıl saziş” və enerji bazarlarının bərpası məsələləri ətrafında fikir mübadiləsi aparılıb.

Xatırladaq ki, Azərbaycanın kommersiya qazının Transadriatik Boru Kəməri vasitəsilə Avropaya tədarükünə ötən ilin 31 dekabr tarixində başlanılıb.

Avatar

Səbinə Kərimova

Read Previous

DSX-dən əməliyyat: 23 kq-dan artıq narkotik ələ keçirildi

Read Next

Müslümovun naziri olmuş şəxsdən sensasion açıqlama

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir