Əsas Səhifə Dünya Daha bir ölkədən Azərbaycana güclü dəstək

Daha bir ölkədən Azərbaycana güclü dəstək

4 dəqiqə oxundu
0
0
209

Malayziya parlamentində fəaliyyət göstərən Malayziya-Azərbaycan parlamentlərarası dostluq qrupu cari il iyulun 12-dən başlayaraq Ermənistan silahlı qüvvələrinin Azərbaycan-Ermənistan dövlət sərhədinin Tovuz rayonu istiqamətində mövqeləri ələ keçirmək məqsədilə başladığı hücum cəhdləri ilə bağlı ölkəmizə güclü dəstək ifadə edən bəyanat yayıb.

Sosialxəbər.az  xəbər verir ki, parlamentlərarası dostluq qrupunun üzvləri adından qrupun sədri Datuk Rozman Bin Datuk Haji İsli tərəfindən iyulun 24-də imzalanmış bəyanatda Ermənistan silahlı qüvvələrinin təcavüzkar addımları pislənib, Azərbaycanın müstəqilliyinə, ərazi bütövlüyünə və suverenliyinə birmənalı dəstək ifadə olunub.

Sənəddə Qoşulmama Hərəkatının Koordinasiya Bürosunun cari il iyulun 18-də qəbul edilmiş kommünikesinə istinad edilərək, Ermənistan-Azərbaycan münaqişəsinin BMT-nin Təhlükəsizlik Şurasının 822, 853, 874 və 884 saylı qətnamələri çərçivəsində həll edilməli olduğu bildirilib, ərazi bütövlüyünün təmin edilməsi istiqamətində Azərbaycan ilə həmrəylik vurğulanıb. Həmçinin İslam Əməkdaşlıq Təşkilatının 2020-ci il 14 iyul tarixli bəyanatından bəhs edilərək, Ermənistan silahlı qüvvələrinin Azərbaycanın işğal olunmuş ərazilərindən qeyd-şərtsiz çıxarılması tələb edilib. Bu münaqişənin Azərbaycanın suverenliyi, ərazi bütövlüyü və sərhədlərinin toxunulmazlığı prinsipləri əsasında sülh yolu ilə həllinə dəstək ifadə olunub.

Bəyanatla əlaqədar Azərbaycanın Malayziyadakı səfiri Qaley Allahverdiyev qanunverici Datuk Rozman Bin Datuk Haji İslinin timsalında Malayziya-Azərbaycan parlamentlərarası dostluq qrupunun üzvlərinə minnətdarlığını bildirib. Belə bir dəstəyin təsadüfi olmadığını, qardaş Malayziya xalqının və hökumətinin Azərbaycanın ərazi bütövlüyü məsələsində birmənalı mövqeyini qətiyyətlə şəkildə davam etdirdiyini qeyd edib. İki dövlət arasında dostluq və yaxın əməkdaşlıq münasibətlərinin qarşılıqlı etimada, hörmətə, o cümlədən Azərbaycan və Malayziyanın ali siyasi institutlarının bu istiqamətdə nümayiş etdirdiyi güclü və prinsipial iradəyə əsaslandığını vurğulayıb.

Daha çox oxşar yazı
Daha çox yükləyin: Səbinə Kərimova
Daha çox yükləyin Dünya

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bunu da oxu

Erməni xalqı sülh şəraitində yaşamaq istəyirsə

Erməni xalqı əgər sülh şəraitində yaşamaq istəyirsə, öz hakimiyyətini məsuliyyətə cəlb ets…