Əsas Səhifə Hadisə İki avtomobil toqquşub, güclü yanğın baş verib

İki avtomobil toqquşub, güclü yanğın baş verib

3 dəqiqə oxundu
0
0
38

Lənkəranda yol-nəqliyyat hadisəsi baş verib. Bu gün saat 08.00 radələrində Lənkəran-Boradigah şosesinin rayonun Cil kəndi ərazisindən keçən hissəsində Lənkəranın Separadi kənd sakini İlqar Şərif oğlu Məcidovun idarə etdiyi “Ford” markalı, 99 EA 142 dövlət nömrə nişanlı yük mikroavtomobili rayonun Cil kənd sakini Bəhmən Süleyman oğlu Rəsulovun idarə etdiyi “VAZ-2107” markalı, 10 EE 198 dövlət nömrə nişanlı minik avtomobili ilə toqquşub. Güclü zərbədən “Ford” maşını idarəetməni itirərək yolun kənarındakı elektrik dirəyinə, telefon yeşiyinə və qaz borusuna çırpılıb. Nəticədə qırılmış qaz borusundan qaynaqlanmış güclü alov dalğası yaxınlıqdakı yaşayış evinə keçib. “Ford”un mühərrik hissəsi də yanaraq, sıradan çıxıb. Hadisə yerində olan yerli sakinlərin və eləcə də Fövqəladə Hallar Nazirliyinin Lənkəran Dövlət Yanğından Mühafizə Hissəsinin yanğınsöndürən maşınları və canlı qüvvəsinin səyləri ilə yanğın söndürülməklə onun əhatə dairəsinin genişlənməsinin qarşısı alınıb. Qəza zamanı xəsarət alan olmasa da, hər iki nəqliyyat vasitəsinə, eləcə də qaz, elektrik və rabitə təsərrüfatına ciddi ziyan dəyib.

Qəzanın başvermə səbəbləri avtotexniki ekspertizanın yekun rəyindən sonra məlum olaqcaq.
Faktla bağlı Lənkəran Şəhər-Rayon Polis Şöbəsində araşdırma aparılır.

Daha çox oxşar yazı
Daha çox yükləyin: Sosialxeber
Daha çox yükləyin Hadisə

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bunu da oxu

“Türkiyə hər zaman Azərbaycana dəstək olacaq” – Volkan Bozkır

Milli Məclisin (MM) Azərbaycan-Türkiyə parlamentlərarası əlaqələr üzrə işçi qrupunun üzvlə…