Əsas Səhifə İdman İlqar Rəhimov Belçikanın Azərbaycandakı fövqəladə və səlahiyyətli səfiri Bert Şufs ilə görüşdü

İlqar Rəhimov Belçikanın Azərbaycandakı fövqəladə və səlahiyyətli səfiri Bert Şufs ilə görüşdü

3 dəqiqə oxundu
0
0
4

Azərbaycan Milli Paralimpiya Komitəsinin (MPK) prezidenti İlqar Rəhimov Belçikanın Azərbaycandakı fövqəladə və səlahiyyətli səfiri Bert Şufs ilə görüşüb. MPK-nın ofisində baş tutan görüşdə UNİCEF-in Azərbaycandakı nümayəndəsi Edvard Karvardin də iştirak edib.

Bu barədə Sosialxəbər.az-a Milli Paralimpiya Komitəsindən bildirilib. Görüşdə MPK prezidenti İlqar Rəhimov qonağa komitənin fəaliyyəti və əldə olunan nailiyyətlər barədə məlumat verib. O qeyd edib ki, paralimpiya əlilliyi olan şəxslərin cəmiyyətə inteqrasiya olunması üçün ən uğurlu vasitələrdən biridir.

İ.Rəhimovun sözlərinə görə, Azərbaycan kiçik ölkə olmasına baxmayaraq 7 paralimpiya çempionumuz var.

Komitə prezidenti Azərbaycanda əlilliyi olan uşaqların da idmana cəlb edilməsi üçün 2013-cü ildə ölkədə Uşaq Paralimpiya Hərəkatının yaradıldığını da qeyd edib və bildirib ki, hər il bu hərəkatdan çıxan paralimpiyaçılar müxtəlif beynəlxalq yarışlarda uğurla ölkəmizi təmsil edirlər.

Səfiri Bert Şufs da öz növbəsində ölkəsinin paralimpiya dəyərlərinə önəm verdiyini bildirib. O, uşaq paralimpiya komitəsinin fəaliyyətini maraqla qarşılayıb. O, həmçinin Azərbaycanda uşaq paralimpiya hərəkatının yaradılmasının ölkəsində də marağa səbəb olacağını qeyd edib.

Daha çox oxşar yazı
Daha çox yükləyin: Səbinə Kərimova
Daha çox yükləyin İdman

Bir cavab yazın

Bunu da oxu

Bakının mərkəzində marketdə bıçaqlanma hadisəsi olub

Bakının mərkəzində marketdə bıçaqlanma hadisəsi olub. Sosialxəbər.az xəbər verir ki, Nəsim…