Parc des Princes

İtaliyalı qapıçı Canluidji Buffon Fransanın “Pari Sen-Jermen” futbol klubunu tərk edir.

Sosialxəbər.az bu barədə klubun saytına istinadla xəbər verir.

Buffonun müqaviləsinin müddəti iyunun 30-da bitir, uzadılması isə planlaşdırılmır. Klub idmançıya gələcək layihələrində uğurlar diləyib.

“Parisdə yaşamaq imkanına görə hər kəsə minnətdarlığımı bildirirəm.Birgə yaşadığımız duyğulara görə təşəkkür edirəm”, – deyə Buffon öz növbəsində qeyd edib.

Qapıçı “Pari Sen-Jermen” klubuna 2018-ci ildə keçib. Bu müddətdə klub Fransanın Superkuboku və ölkə çempionatını qazanıb.