Əsas Səhifə Slide-az “Nə kredit? Nə borc?” – Metroda intihar etdiyi deyilən kişi

“Nə kredit? Nə borc?” – Metroda intihar etdiyi deyilən kişi

3 dəqiqə oxundu
0
0
34

 

“Koroğlu” metrostasiyasında özünü qatarın altına atan 65 yaşlı Nəsir Əhmədov intihar cəhdinə aydınlıq gətirib. Nəsir Əhmədov açıqlamasında qəflətən başı fırlanıb yıxıldığını qeyd edib: “Yaxşıyam. Ayağımı gipsə salıblar. Ağrım-acım yoxdur. Səhər həkimə gedəcəm, gipsi açacaqlar. Mən özümü atmamışam. Yalan yazıblar. Təzyiqim artıb, başım fırlanıb, yıxılmışam. Özünü qatarın altına atan şəxs sağ-salamat gəzər? İzahat da vermişəm ki, ayağım səkiyə dəyib, yıxılmışam. Nə kredit? Nə borc?”

Nəsir Əhmədov ailəsini aldadıb məlumat alan şəxslərdən şikayət edəcəyini vurğulayıb:

“Mən şikayət edəcəyəm. Evdə uşaq olub. Aldadıblar ki, “sizə yardım edəcəyik”. Şirkət adı ilə uşadan yalandan məlumat alıblar. Borcumun olması mənim şəxsi işimdir. Mən bilərəm.”

Nəsir Əhmədovun həyat yoldaşı Yaqut Əhmədova qızının mebeli üçün borclu olduqları kreditin ödənildiyini deyib:

“Nəsir yaxşıdır, çay içir, vəziyyəti də əladır. Sabah həkimə aparacayıq, baxacaqlar. Sağ olsun, həkimlər ona yaxşı baxıblar. Dərman aldıq, amma atmadı. Çünki ağrısı yoxdur. Krediti də ödədik, heç nə qalmayıb. Özümüz də əlayıq.”

Noyabrın 30-da səhər 09:20 radələrində metroda intihara cəhd qeydə alınıb. 1951-ci təvəllüdlü, Nardaran sakini olan Əhmədov Nəsir Əlihüseyn oğlu özünü “İçərişəhər”-“Həzi Aslanov” istiqamətində 13 saylı marşrut üzrə hərəkət edən qatarın altına atıb. Faktla bağlı araşdırmaya başlanılıb.

Daha çox oxşar yazı
Daha çox yükləyin: Sosialxeber
Daha çox yükləyin Slide-az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bunu da oxu

“Türkiyə hər zaman Azərbaycana dəstək olacaq” – Volkan Bozkır

Milli Məclisin (MM) Azərbaycan-Türkiyə parlamentlərarası əlaqələr üzrə işçi qrupunun üzvlə…