Əsas Səhifə Cəmiyyət Öldürülən səfirin xanımı: “Ərim heç kəsə heç bir pislik etmirdi”

Öldürülən səfirin xanımı: “Ərim heç kəsə heç bir pislik etmirdi”

3 dəqiqə oxundu
0
0
46

“Hamı ilə birlikdə döşəməyə uzandım, şokdaydım…”

Dünən Ankarada öldürülən Rusiyanın Türkiyədəki səfiri Andrey Karlovun həyat yoldaşı Marina Karlova ərinin qətlindən danışıb.

Marina hadisənin baş verdiyi vaxt – Müasir Sənətlər Mərkəzində keçirilən rəsm sərgisinin açılışında ərinin yanında olub.

“Andreyin çıxışı zamanı bir neçə dəfə atəş açıldı. Mən hamı ilə birlikdə döşəməyə uzandım. Sərgidə insanlar çox idi. Biz hamımız şoka düşmüşdük. Artıq xəstəxanaya getdiyimiz vaxt özümə gəldim. Ərim artıq ölmüşdü. Ona 11 dəfə atəş açdılar.

Mühafizə prinsip etibarilə, ümumiyyətlə, yox idi. Yalnız tərcüməçi bəzən müşayiət edirdi. Ankara meri, Səhiyyə Nazirliyinin əməkdaşları xəstəxanaya gəldilər. Onlar uzun müddət danışdılar və sonra mənə bildirdilər ki, ərim ölüb. Mən şokda idim. Birdən pis oldum. Ərim heç kəsə heç bir pislik etmirdi, heç kəs heç vaxt onu hədələmirdi. Bizim fotosərgiyə gedəcəyimizi çoxları bilirdi, çünki tədbir qabaqcadan planlaşdırılmışdı”, – o, Türkiyə xüsusi xidmət orqanlarının əməkdaşlarına ifadəsində deyib.

O, hazırda həkimin müşahidəsi altındadır.

Qeyd edək ki, dünən Ankarada Müasir Sənətlər Mərkəzində keçirilən rəsm sərgisinin açılışında Rusiyanın Türkiyədəki səfiri Andrey Karlova qarşı sui-qəsd təşkil edilib. Hücumda ağır yaralanan səfir xəstəxanada həyatını itirib.

Daha çox oxşar yazı
Daha çox yükləyin: Sosialxeber
Daha çox yükləyin Cəmiyyət

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bunu da oxu

“Türkiyə hər zaman Azərbaycana dəstək olacaq” – Volkan Bozkır

Milli Məclisin (MM) Azərbaycan-Türkiyə parlamentlərarası əlaqələr üzrə işçi qrupunun üzvlə…